(Видео) „Лудило“ во Мадрид: Алварез се враќа во градот, „шпионите“ веќе се појавија

Кога на 22. јуни, по победата против Австрија на Светското првенство, изјави дека сака да ја промени средината ова лето, познатиот аргентински фудбалер Хулијан Алварез веќе постави „ѕид“ меѓу себе и првиот човек на мадридскиот Атлетико, Мигел Анхел Хил Мартин.

Главниот оперативец на престолничкиот клуб брзо реагираше, соопштувајќи на заинтересираните страни дека цената за слобода на Алварез е половина милијарда евра, а дека сите клубови доаѓаат предвид освен – Барселона.

Токму тоа е главниот проблем, бидејќи желбата на Аргентинецот е да ја продолжи кариерата во Барселона, која не крие симпатии кон играчот за кој Пеп Гвардиола очигледно немаше доволно слух во Манчестер Сити.

Во таа смисла, неговото денешно враќање во Мадрид, по заслужената пауза по Светското првенство, фудбалската јавност го следи со изострен поглед.

Затегнатите односи со Мартин ќе го направат останувањето на Алварез во Атлетико практично невозможно, иако е јасно дека никој не може да ги исполни барањата што повеќе се плод на директоровиот револт отколку вистински однос на пазарот.

👀🤔 Клучен ден за Хулијан Алварез.

Како ќе го пречекаат навивачите на Атлетико Мадрид?

🔗 https://t.co/9ATr3AGWYW 🔗 pic.twitter.com/r9pBtomVFr— ЕлДесмарке (@eldesmarque) 10 август 2026