Љубителите на фудбалот уште ќе уживаат во магијата на Рибери

Легендарниот француски удбалер Франк Рибери би можел да остане во Фиорентина.

На поранешниот француски репрезентативец му истече договорот со Фиорентина, но како што пишуваат италијанските медиуми, постои голема можност да потпише нов.

Наводно, Рибери сака да остане во клубот, но моментално е проблем финансиската природа, односно челниците на клубот му понудиле нов договор според кој наместо досегашните 4 ќе заработува 2 милиони евра годишно.

Меѓутоа, и покрај тоа разговорите со неговиот агент поминале во најдобар ред и тие ќе бидат продолжени, а наредната недела би требало да биде постигнат конечен договор.