Јунајтед почна преговори со младата ѕвезда на Ајакс

Манчестер Јунајтед веќе работи на привлекување на првиот играч од Ајакс, кој е голема желба на тренерот Ерик тен Хаг.

Станува збор за 20-годишниот дефанзивец Јуриен Тимбер, чија цена се проценува на околу 35 милиони фунти.

Тимбер оваа сезона одигра 43 меча и се промовираше во еден од најголемите таленти во Европа, а Тен Хаг сака да го донесе на „Олд Трафорд“.

Неговата поливалентност е еден од основните квалитети бидејќи талентот може да игра на повеќе позиции во одбраната, како стопер и како десен бек.

Тен Хаг смета дека има огромен потенцијал и дека може да биде столб на одбраната во наредната деценија.

„Телеграф“ пренесува дека Манчестер Јунајтед започнал преговори со Ајакс и дека првата понуда била тешка 25 милиони фунти.