Јунајтед и Њукасл ќе играат финале, а еден играч сигурно добива медал

На 26-ти февруари во 17:30 часот Манчестер и Њукасл ќе играат за првиот трофеј во англискиот фудбал оваа сезона во финалето од Лига Купот. Но еден играч без разлика кој и да победи ќе биде запишан како победник во ова натпреварување.

До своето прво финале од 1994 година Њукасл стигна откако со вкупни 3:1 беше подобар од Саутемптон, додека Јунајтед немаше проблеми со Нотингем и ги елиминираше „шумарите“ со убедливи 5:0.

Без разлика кој ќе слави на 26-ти голманот Мартин Дубравка на крајот официјално ќе биде запишан како освојувач.

Во првиот дел од сезоната Дубравка беше позајмен во Јунајтед и одигра два натпревари во Лига Купот (против Астон Вила и Барнли) и без оглед дали Њукасл каде што е сега ќе изгуби или ќе победи тој ќе добие шампионски медал.