Јувентус отвори продавница во Рим од Рома одговорија: Конечно нешто што не треба да се види

Рома и Јувентус сигурно не се најголеми ривали во Италија, но тоа не значи и дека помеѓу овие два клуба „цвета љубов“.

Јувентус е најпопуларен клуб во Италија и веројатно најпопуларен италијански клуб во светот, посебно од кога во Торино пристигна Кристиано Роналдо.

„Старата дама“ одлучи да го прошири својот ланец на фан шопови, а последниот од нив беше отворен во центарот на Рим.

„Дали сте во Рим? Не заборавајте да ја посетите нашата нова продавница“, порачаа од Јувентус на својот Твитер профил, но админот на Твитер профилот на Рома брзо реагираше и сподели твит со коментар: „Конечно во Рим нешто што не треба да се види“.

Finally, something in Rome you really DON’T need to see https://t.co/gDUSOjbkQR

— AS Roma English (@ASRomaEN) November 29, 2018