Јувентус објави колку ќе паузира Ди Марија

Фудбалерот на Јувентус Анхел Ди Марија ќе отсуствува од терените околу 20 дена поради повреда на тетивата, соопшти денес италијанскиот клуб.

Црно-белите објавија дека на прегледите било утврдено дека станува збор за мала повреда на десниот бутен мускул и за опоравување ќе бидат потребни околу 20 дена. Ди Марија се повреди во вторникот во натпреварот против Макаби Хаифа кој Јувентус го изгуби со 2:0.

Поради повредата на Ди Марија се стравуваше и во Аргентина со оглед на тоа дека Светското првенство кое започнува на 20. ноември е се поблиску.

На Мундијалот во Катар Аргентина ќе игра во групата „Ц“ против Саудиска Арабија, Мексико и Полска.