Јери Мина „распали“ против Барселона

Колумбискиот дефанзивец на Барселона, Јери Мина јавно го изрази разочарувањето од односот на клубот кон него.

Мина пристигна на „Камп Ноу“ во јануари за сума од 11 милиони евра од Палмеирас, но запиша само 5 настапи за Каталонците и често не беше ни на клупата за резерви.

„Не можам да ги гледам натпреварите дури ни од клупата. Тешко е да ги гледаш соиграчите на телевизија, а цела недела си тренирал заедно со нив. Тоа не му го посакувам на никого“, изјави Мина за колумбиските медиуми.

„За мене последната половина година беше многу тешка и многу тажна. Светот му се рушеше и имав чувство дека дури не можам да ја подавам топката“, додаде Мина.

Колумбиецот одигра одлично Светско првенство, но неговото место во Барселона се уште е под знак прашалник, особено после доаѓањето на Клемен Ленгле.