Јанг Бојс – Аталанта: Дали не очекува „дожд“ од голови!?

Четвртиот Јанг Бојс ќе го пречека третиот на табелата – Аталанта во рамки на групата Ф во вторник навечер. Двата ривали ќе се борат да ги одржат живи надежите за елиминациската рунда во Лигата на шампионите.

Јанг Бојс моментално е на дното со само три бода од нивните воведни четири натпревари, додека Аталанта го зазема третото место, два бода зад Виљареал и Манчестер Јунајтед кои имаат по седум бода.

Свежината е главна предност за Аталанта

Билансот од една победа и три порази од четири натпревари му донесе на Јанг Бојс три бода, што ги остави на дното во Групата Ф, но се уште екипата има шанси за пласман во осминафиналето на Лигата на шампионите.

Само победа ќе го одржи швајцарскиот тим во игра за нокаут рундата, но тие ќе бидат сигурно на четвртото место, пропуштајќи ја дури и Лига Европа, со евентуален пораз на овој натпревар. Тоа некако доаѓа за нив дека овој меч оди од кајност во крајност.

Јанг Бојс всушност е во серија од четири натпревари без победа во сите натпреварувања, вклучувајќи го и поразот од Виљареал со 2:0 во нивниот последен натпревар во Лигата на шампионите на почетокот на месецот. Тие одиграа нерешено 1:1 со Грасхоперс во Швајцарија, што беше окарактеризирано како катастрофален резултат од нивните навивачи. Но ако ништо друго, швајцарската федерација им излезе во пресрет и тие одмараа минатиот викенд. Нивниот последен натпревар се одигра дури пред репрезентативната пауза и сега се свежи и желни за фудбал.

Цела Швајцарија верува во Јанг Бојс

Тимот на Дејвид Вагнер минатата сезона ја освои швајцарската Супер лига по 15-ти пат, со што автоматски се квалификуваа во второто квалификациско коло во Лигата на шампионите, што значи дека мораше да играат ужасно многу фудбал во натпреварувањето оваа сезона за да напредуваат до оваа фаза. Но сите веруваа во нив. Очекувањата се дека оваа екипа е единствената која може да го поткрене швајцарскиот фудбал и рејтингот на нивните екипи, за во иднина тимовите да не се мачат премногу во квалификациски дуели.

Јанг Бојс може да има самодоверба од нивниот настап против Аталанта во првиот меч, претрпувајќи пораз од 1:0, но играјќи над очекувањата во Италија.

Уште една потврда дека се работи за екипа која може против секого е победата над Манчестер Јунајтед од 2:1 во првото коло од групната фаза во оваа група. Иако сеуште се на таа победа и на тие три бода, токму тој меч може да им биде показател како да одиграат дома и против Аталанта.

Аталанта со победа ќе осигура европска пролет

Аталанта прими гол во 91-та минута на последниот нивни дуел во Лигата на Шампиони и одигра 2:2 против Манчестер Јунајтед на домашен терен. Водеа со 1:0, па со 2:1 но и тоа не беше доволно за победа по двата гола на Роналдо – по еден во двете полувремиња и тоа и двата гола во сидиските продолженија.

Тоа реми ги остави на третата позиција во групата, два бода зад второпласираниот Виљареал и 20-кратниот англиски шампион. Победата за тимот од Серија А во вторник ќе ги зајакне нивните надежи за пласман во следната фаза и ќе значи најмалку трето место и сигурен пласман во Лигата на Европа. Ќе создадат недостижна предност во однос на Јанг Бојс кој ќе отпадне и официјално од Европа. Победа за Аталанта ќе значи дека се ќе биде во нивни раце пред нивниот последен натпревар од групата Ф против Виљареал на 8-ми декември.

Само еден пораз на гости сезонава

Избраниците на Гасперини стигнаа до четвртфиналето и осминафиналето во последните две сезони од Лигата на шампионите, што значи дека би било изненадување доколку не успеат да завршат меѓу првите две во групата, но ситуацијата во групата е крајно неизвесна иако многу нешта ќе се знаат по овој меч во вторник.

Од ремито 2:2 со Манчестер Јунајтед на 2-ри Ноември, Аталанта играше двапати во Серија А, победувајќи го Каљари со 1:2 на гости пред репрезентативната пауза, а потоа победувајќи ја Специја со 5:2 во саботата.

Ла Деа всушност загуби само еден од нивните осум натпревари на гости во сите натпреварувања во текот на сезоната 2021-2022, а тој пораз беше оној со 3:2 од Манчестер Јунајтед на 20-ти ноември.