Италијанецот Џанлука Роки ја доби довербата на Европската фудбалска асоцијација (УЕФА) за делење правда во Суперкуп пресметката меѓу Реал Мадрид и Манчестер јунајтед на 8 август во Скопје.
На 43 годишниот арбитар од Фиренца ќе му асистираат пет негови сонародници. Крај аут линиите ќе бидат Еленито ди Либераторе и Мауро Тонолини, работните места зад головите ги добија Давиде Маса и Масимилијано Ирати. За резерва на Роки е одреден Рикардо ди Фиоре, а четврти судија ќе биде Французинот Клемен Турпан.
Вардар, Работнички, Силекс, Шкендија – Кој ќе блесне во Европа!? ↓↓↓
Роки е интернационален судија од 2008 година и досега бил главен судија на 72 меча под капа на УЕФА. Беше делегиран за девет натпревари во европските купови во сезоната 2016/17. Меѓу нив и осминафиналниот реванш меѓу Монако и Манчестер сити, четвртфиналниот реванш судир на Лестер и Атлетико Мадрид во Лигата на шампиони како и првата полуфинална средба во Лига Европа (ЛЕ) на Ајакс и Олимпик Лион. Беше и четврти судија во финалето во ЛЕ на „Френдс арена“ во Стокхолм во кое играа Манчестер јунајтед и Ајакс.
Учество во игри на среќа е дозволено за лица со 18+ години. Играј одговорно!