Ѓоковиќ се „скрши“ по поразот во Мајами: Ме боли да признаам, но…

Новак Ѓоковиќ беше поразен во финалето на мастерсот во Мајами од Чехот Јакуб Меншик со 2:0, по сетови 7.6 (4), 7:6 (4).

Новак, и покрај тешкиот пораз, ја покажа својата големина со тоа што му се поклони на ривалот и призна дека тој е подобар во овој момент.

„Не сакам многу да зборувам, но некои работи морам да ги кажам. Ова е моментот на Јакуб, неверојатен турнир, прв од многу, како што рече тој. Морам да признаам, моментално си подобар, одличен се трудеше во тешки моменти, за младите играчи тоа е многу важно. Ти посакувам се најдобро, можеби ќе ми дозволиш следниот пат да победам, ти имаш повеќе време и години пред себе“, кажа Ѓоковиќ.