Шчесни знаел како шутира Игуаин – откри и каков совет добил од Роналдо!

Голманот на Јувентус, Војчех Шчесни во вчерашното дерби му одбрани пенал на Гонзало Игуаин при водство од 0:1 за својот тим, на крајот „старата дама“ славеше победа од 0:2.

После натпреварот новинарите секако ги интересираше што Шчесни имаше да каже на оваа тема.

„Минатата година како втор голман, често пати тренирав со него. Беше еден од изведувачите на пенали и ми шутна многу пенали. Размислував и пред натпреварот на која страна би можел да шутира ако дојде до пенал. Претпоставив дека ќе шутира силно и по земја и добро е за нас што тоа и се случи“, изјави Шчесни.

https://www.youtube.com/watch?v=PqX_x0UBcJM

Пред самото изведување на пеналот, Шчесни имаше разговор и со Кристиано Роналдо.

„Ми кажа да тргнам порано бидејќи тој знаеше дека Пипита шутира силно. Но, како што кажав го знаев и јас тоа“, откри голманот на италијанскиот шампион.

Cristiano Ronaldo suggested to Szczesny where to dive to save Higuain's pk. He accepted the suggestion of Cristiano and saved the penalty. #MilanJuve pic.twitter.com/SimhSOEI0d

— Matchplug (@matchplug) November 12, 2018

На крајот тој и се пошегува на сметка на неговата добра одбрана.

„Не е лесно да се замени Буфон, бидејќи таквите голмани ретко примаат голови. Уште потешко е за луѓето како мене, на кои им паѓа концентрацијата ако подолг период немаат интервенција. Полесно е да се брани кога во просек на секои 10 минути имате некоја одбрана. Сепак, не се жалам“, се насмеа на крајот голманот на Јувентус кој оваа сезона на 11 натпревари во Серија А прими осум погодоци.