Што правеше најмоќната жена во фудбалот на „Бернабеу“?

Рафаела Пимента веројатно во овој момент е најмоќната жена во фудбалот, таа го презеде наследството од славниот Мино Раиола.

Пимента го привлече вниманието со своето присуство на вчерашниот натпревар помеѓу Реал Мадрид и Брага. Пред натпреварот таа беше забележана пред стадионот „Сантијаго Бернабеу“.

Со нејзиното појавување веднаш почна да се шпекулира дека Реал и Пимента преговараат за големо засилување.

Најголемото име во списокот на Пимента е Ерлинг Халанд кој игра одлично во Манчестер Сити. Во договорот на Халанд има откупна клазула од 180 милиони евра и таа важи од наредното лето само за клубови кои не се од Премиер лигата.

На Халанд му оди добро во Манчестер Сити, сепак кога е Реал Мадрид во прашање не може секогаш да се одолее на понудата.