Арбелоа мора да го победи Елче, но да мисли и на реваншот со тимот на Гвардиола

Реал Мадрид вечерва го пречекува Елче, а Алваро Арбелоа ќе ги одмори некои од првотимците пред гостувањето во Манчестер кај Сити.

Како што пренесуваат мадридските извори, одмор ќе добијат Трент Александер-Арнолд, Антонио Ридигер, Орелиан Чуамени, а можеби и Федерико Валверде.

Исто така, се очекува дека минути ќе добијат Камавинга, Браим Дијаз, можеби и Франко Мастантуоно, како и уште еден член на „Ла фабрика” – Мануел Анхел кого Алваро Арбелоа одлично го познава од Кастиља.

Надвор од екипата и понатаму се – Милитао, Себаљос, Карерас, Белингем, Ембапе и Родриго, кој ја заврши целата 2026 година. Од повредените единствено би можеле да бидат на клупата во Манчестер Карерас и Мбапе, но Арбелоа не сака да ризикува, освен ако нема потреба по големото 3:0.  

Реал Мадрид мора да го победи Елче, бидејќи Барселона има четири бода повеќе и во недела го пречекува Севиља.

Да потсетиме, есента Елче го изненади Реал Мадрид, резултат беше 2:2, но тогаш на клупата седеше Чаби Алонсо. 

Натпреварот Реал Мадрид – Елче е на програмата во 21:00 часот.