Шпанците донесоа одлука за продолжување на сезоната!

За разлика од Французите, чија сезона денеска е завршена бидејќи тамошната Влада одлучи мерките во борбата против коронавирусот да ги продолжи до крајот на мај, Шпанците одлучија до крај да ги одиграат првенствените натпревари.

„Професионалните спортисти ќе можат индивидуално да тренираат од 4. мај.“ – порача шпанскиот премиер Педро Санчез.

Тренинзите во помали групи ќе продолжат од 18. мај. Вклучувајќи ги играчите и тренерите, на теренот во еден момент можат да бидат најмногу 10 луѓе.

Тимските тренинзи се планирани од 1. јуни, но низ строг протокол, а од 5 јуни се очекува првенството да продолжи зад затворени врати.

Барселона после 27 кола е лидер со 58 бодови, додека Реал Мадрид има 56, а третопласирана е Севиља си 47.