Шок за Белгијците: Куртоа ја напуштил репрезентацијата?!

Во саботата репрезентацијата на Белгија одигра 1:1 против Австрија, а по овој натпревар се случила една неверојатна ситуација.

Имено, голманот на Реал Мадрид, Тибо Куртоа одлучил по овој дуел да си замине дома, а не во тренинг кампот со останатите репрезентативци. Белгиските медиуми известуваат дека тој се разочарал затоа што не бил капитен.

Кевин Де Брујн беше отсутен, па така требало да има два капитени за дуелите со Австрија и Естонија. На натпреварот со Австрија, капитен беше Лукаку, додека Куртоа требало да ја носи капитенската лента со Естонија.

Но, одличниот голман не бил задоволен од одлуката и си заминал. Овва секако може да биде проблем во репрезентацијата затоа што Куртоа важи за еден од најважните во тимот.