Чудна ситуација во Вардар: Го победија Пелистер, па останаа без тренер!

Вардар вчера го победи Пелистер, а веќе денес пристигна неочекувана вест, си замина тренерот Горзад Михаилов.

Во соопштението на социјалните мрежи Вардар објави дека Михаилов кој пристигна минатата полусезона заминува поради лични причини.

„Фудбалскиот клуб Вардар ја известува јавноста дека Горазд Михаилов, досегашниот шеф на стручниот штаб, поднесе оставка на функцијата и повеќе нема да ги предводи црвено-црните. Тој си заминува поради приватни причини, а со раководството на клубот во пријателски однос е постигнато взаемно прифатливо решение. Во името на клубот, му се заблагодаруваме за ангажманот, за сите победи, но и за тоа што кога беше тешко, застана и ја водеше екипата во најважните предизвици“, објави Вардар.