Чудесен Дончиќ и Новицки како во најдобрите денови го срушија шампионот! (ВИДЕО)

Изминатата вечер во НБА лигата беа одиграни седум натпревари.

Кошаркарите на Далас Маверикс му нанесоа убедлив пораз на актуелниот НБА шампион Голден Стејт со 126:91, а одлично издание имаше Словенецот Лука Дончиќ кој стигна до трипл-дабл, како и Дирк Новицки кој потсети на најдобрите денови.

Популарните Маверикс од самиот старт на натпреварот тргнаа офанзивно со голем мотив да го победат шампионот. Така веќе после првата четвртина имаа предност од 15 поени (37:22) која во продолжение константно ја зголемуваа.

Во сличен ритам продолжија до крајот на натпреварот,, па така на крајот стигнаа до убедливата победа од 35 поени разлика.

Своја вечер имаа Лука Дончиќ и Дирк Новицки. На младиот Словенец му беа доволни три четвртини да стигне до својот шести трипл-дабл во кариерата. Така за 27 минути поминати на паркетот имаше 23 поени, 11 скокови и десет асистенции, додека Дирк Новицки го одигра натпреварот на сезоната постигнувајќи 21 поен и пет скокови.

Luka Doncic tonight

23 points
12 rebounds
10 assists
3 steals

6th career triple double(4th most all time for a rookie behind Oscar Robertson, Ben Simmons, and Magic Johnson) pic.twitter.com/VzNfGSu03F

— NBA Central (@TheNBACentral) March 24, 2019

Овој негов настап не помина незабележано бидејќи при излегувањето од игра целата сала застана на нозе и го поздрави својот миленик кој веќе 21 година е верен на тимот.

After scoring a season-high 21 PTS, Dirk Nowitzki receives a standing ovation at Oracle Arena! pic.twitter.com/sgYRzElRzv

— NBA (@NBA) March 24, 2019

На другата страна кај Вориорси во отсуство на Стеф Кари најефикасен беше Кевин Дурант со 25 поени, Казинс уфрли 19 поени, додека Клеј Томпсон натпреварот го заврши само со осум поени.

Со овој шести трипл-дабл во сезоната Лука застана рамо до рамо со Меџик Џонсон, Оскар Робертсон и Бен Симсон.

https://youtu.be/053lJKHl9nA

НБА РЕЗУЛТАТИ:

Сакраменто – Фенкс 112:103

Вашингтон – Мајами 108:113

Атланта – Филаделфија 129:127

Чикаго – Јута 83:114

Мемфис – Минесота 99:112

Голден Стејт – Далас 91:126

Портланд – Дероит 117:112