Челзи тргнува по Донарума

Иднината на Џанлуиџи Донарума е главна тема на Апенините, бидејќи неговиот договор со Милан истекува на крајот на сезоната.

Милан веќе подолго време е во преговори со неговиот менаџер Мино Раиола и се обидува со сите сили да го задржи Донарума на „Сан Сиро“.

Ситуацијата будно ја следи Челзи, кој е спремен да ги задоволи финансиските барања на голманот и да му даде годишна плата од 10.5 милиони евра.

Челзи минатото лето се засили со Менди, кој пред неколку дена наполни 29 година, па „сините“ се спремни да го продадат Кепа и да го донесат младиот Италијанец.

Милан ќе се обиде да избегне такво сценарио, но во моментов „росонерите“ нудат 7,5 милиони евра по сезона.