Хаос во Рома: Играчите влегле во жестока расправија со тренерот!

Неколку италијански медиуми пренесуваат дека дошло до хаос во соблекувалната на Рома и дека односот помеѓу играчите и тренерот е целосно нарушен.

Откако Рома во саботата не успеа да го победи Сасуоло продолжија тензиите кои веќе некое време создаваат проблеми помеѓу Паоло Фонсека и играчите.

Фонсека на конференцијата за медиуми после натпреварот зборуваше дека се е во ред, меѓутоа еден ден подоцна на неделниот тренинг дошло до жестока расправија.

Главната причина за нервозата бил новиот кикс во првенството, а некои од играчите наводно толку многу ги изгубиле нервите што испратиле и пцовки кон Фонсека. На тренингот бил присутен и директорот Тијаго Пинто, но не реагирал.