Хамилтон го продолжи договорот со Мерцедес

Луис Хамилтон и во следните две години ќе вози за „Мерцедес“, откако Британецот денес стави потпис на нов договор.

Според новиот договор Хамилтон ќе добива фантастична плата од 40 милиони фунти по сезона.

„Новиот договор во основа беше формалност уште од зимото кога јас и Тото седнавме да разговараме. Мило ми е што ставив потпис на документите, ја соопштивме веста и сега можеше да си продолжиме со секојдневната работа. Дел сум од семејството Мерцедес скоро 20 години и никогаш не сум бил посреќен“, изјави Хамилтон.

Англискиот возач беше четири пати шампион во Формула 1, а ќе остане уште најмалку две сезони во Мерцедес.