Халанд: Сонувам за трофеј во ЛШ откако видов како Јунајтед го победи Челзи

Ерлинг Халанд утре ќе има можност за првпат да ја освои Лигата на шампионите, а сонува да триумфира во ова натпреварување уште кога Манчестер Јунајтед го совлада Челзи на пенали во 2008 година.

Манчестер Јунајтед таа 2008 година на пенали ги совлада „сините“ и го освои пехарот во ЛШ. Тоа е првото финале кое Халанд го памети.

„Сонувам за освојување на Лигата на шампионите цел мој живот, откако го паметам првото финале кое го гледав. Во 2008 играа Челзи и Јунајтед и кога видов како слават посакав и јас тоа да го доживеам.

Манчестер Сити Премиер лигата ја освојуваше двапати по ред и пред да дојдам тука значи знаат да го прават тоа и без мене. Единствената работа која недостасува е Лигата на шампионите. Можете да читате меѓу редови…Тука дојдов со причина“, изјави Халанд.

Утре ќе биде првата шанса за Халанд да стигне до најпосакуваниот европски трофеј и неговиот тим ќе биде фаворит во дуделот против Интер.