ФОТО: Нејмар во солзи по повредата, објави фотографија од повредениот зглоб

ПСЖ во најголемото дерби од францускиот фудбал со 3:0 го победи Марсеј, но сите во Париз ги загрижи повредата на Нејмар.

Најскапиот фудбалер во историјата во 77. минута го свитка зглобот, по што со солзи на носилки го напушти теренот. Парижаните се загрижени, бидејќи следната недела ги чека реваншот од осмина финалето во ЛШ против Реал, каде што мораат да го надокнат резутатот од 1:3 од првиот натпревар.

Neymar’s status for #PSG against Real Madrid will be in question after this nasty ankle injury … pic.twitter.com/krFQTavVgG

— Goal (@goal) February 25, 2018

„Се разбира дека сум загрижен поради повредата на Нејмар. Неговиот зглоб беше отечен. Тој е важен играч за нас и се надевам дека наскоро ќе се врати“, изјави голманот на ПСЖ, Арелоа, додека тренерот Емери е оптимист кога станува збор за настапот на Нејмар против Реал.

На синоќешните лекарски прегледи не се откриени поголеми оштетувања на зглобот, Нејмар ја напушти болницата, но повторно ќе оди на прегледи денеска.