Фиорентина назначи нов тренер

Фиорентина штотуку објави дека Џузепе Јакини е нов шеф на стручниот штаб на првиот тим.

Јачини во досегашната кариера, помеѓу другите, ги водеше Сампдорија, Палермо, Сасуоло, Емполи и Удинезе.

Инаку, Јакини пристигнува на клупата на Фиорентина наместо Винченцо Монтела, со кого соработката беше прекината затоа што игрите и резултатите на тимот беа под очекуваното. Капката што ја прелеа чашата беше тешкиот пораз од Рома.

“Би сакал да му се заблагодарам на Винченцо Монтела за посветеноста и професионалноста што ја покажа во текот на своето време во клубот. За жал, нашата сегашна позиција во лигата не натера да направиме промена. Ние го одбравме Јакини, бидејќи тој е одличен човек кој има силни врски со Фиренца и Фиорентина. Сега треба да работиме заедно за да се вратиме на вистинскиот пат што е можно поскоро“ – изјави првиот човек на Фиорентина, Роко Комисо.

Јакини официјално ќе биде претставен како нов тренер на Фиорентина на прес-конференција закажана за 28. декември. Првиот тренинг на тимот ќе биде одработен еден ден подоцна.

Club statement: Iachini named as new Fiorentina coach ✍️

FULL STATEMENT ➡️ https://t.co/WwzfVfrN9M#ForzaViola ? #Fiorentina pic.twitter.com/jJOal5PYZN

— ACF Fiorentina English ???? (@ACFFiorentinaEN) December 23, 2019