Урнебесно: Ганец си даде два смешни автогола за да расипе местенка! 🎥

Интересна ситуација ни доаѓа од Гана, а главен актер е Ганецот Хашмин Мусаха.

Мусаха се најде во центарот на вниманието затоа што со очигледна намера си постигна два автоголови во поразот на неговиот тим од 0:7.

Во игра тој влезе во последните 12 минути кога резултатот беше 0:5. Натпреварот бил договорен да заврши со конечен 1:5, но тој ја расипал работата. Се зборуваше дека тоа го направил затоа што никој не го известил пред мечот за и тој нешто да заработи, но тој тврди дека е поинаку.

„Горд сум на тоа што го направив. Пред натпреварот слушнав дека овој натпревар треба да го изгубиме со 1:5. Голем противник сум на обложување и на местење натпревари затоа сакав да им направам проблем. Му најавив на тренерот што ќе направам ако ме стави во играч. По натпреварот добив и честитки од соиграчите“, изјави Мусаха.

The craziest own goals ever in the history of football.

Ashgold 7 vs 0 Inter Allies. Ghana Premier League smh. pic.twitter.com/bM2LSc7fC9

— Saddick Adams (@SaddickAdams) July 19, 2021