„Спорт“: Арсенал го сака Осман Дембеле и нуди размена на Барселона!

Весникот кој важи за неофицијално гласило на Барселона, каталонски „Спорт“ во текот на денешното издание пренесува една интересна информација.

Според нивните извори тимот на Арсенал и нуди размена на Барселона.

Наводно, новиот стратег на „топџиите“ во Лондон сака да го види човекот кој разочара во Барселона, Осман Дембеле, а за возврат во спротивен правец е спремен да го испрати долгогодишниот играч од средниот ред на Арсенал Арон Рамзи.

Arsenal want to sign Ousmane Dembélé in a swap deal involving Aaron Ramsey going to Barcelona. (Source: SPORT) pic.twitter.com/8Y02kjaKNw

— Transfer News Live (@DeadlineDayLive) July 31, 2018

Дембеле минатото лето пристигна во Барселона, како човек од кој многумина очекуваа да го замени Нејмар, но фудбалерот не ја оправда сумата во износ 105 милиони евра, плус бонуси.

Од друга страна Рамзи скоро целата своја кариера ја помина во Арсенал. Пристигна во 2008 година од Кардиф, потоа беше испраќан на две позајмица во Нотингем Форест (2010) и Кардиф (2011). Од таа 2011 Рамзи не го напушти клубот кој до последната сезона беше предводен од Венгер.

Сега Венгер го нема, Емери е прв човек на „топџиите“ па за очекување е некои работи да се променат.

Засега нема информации дали се работи за понуда „глава за глава“ или пак Емери е спремен да доплати одредена сума.