Сити не го дава Де Брујне, му спреми нов договор

Ѕвездата на Манчестер Сити, Кевин де Брујне, влезе во последната година од договорот, па се шпекулираше дека може да го напушти клубот.

32-годишниот Белгиец пропушти голем дел од актуелната сезона поради повреда, но Сити не сака да се раздели од него.

Според информациите, Де Брујне има намера да остане во англискиот шампион и покрај интересот на клубови од Саудиска Арабија.

„Граѓаните“ спремиле нов договор и наскоро ќе започнат преговори со неговиот аген, а Белгиецот е спремен да стави потпис на нов договор.