Сите го преселија во Јунајтед, а од Дотмунд студен туш за навивачите: Никој не преговарал за Санчо!

Во последните ден-два на големо англиските медиуми пишуваа дека има договор и дека трансферот на Џејдон Санчо во Манчестер Јунајтед е само прашање на време, но сега стигна изненадувачки одговор од Дортмунд.

Од германскиот тим демантираат дека воопшто имало било какви преговори со Јунајтед, а не пак дека се договориле.

„До овој момент, ниту сме имале некаков контакт со Манчестер Јунајтеди, ниту сме преговарале за Санчо. Нема понуди за Санчо. Ние одредивме сума која е минимум да се исполни за да започнеме преговори. Џејдон го знае тоа и се однесува коректно“, изјав извршниот директор на Борусија Ханс Јоаким Вацке.

Ќе потсетиме, Дортмунд Санчо го проценува на 120 милиони евра.