Рома со нова понуда за Смолинг

Раководството на Рома испрати нова понуда до Манчестер Јунајтед за дефанзивецот Крис Смолинг, пренесуваат италијанските медиуми.

Дефанзивецот оваа сезона игра како позајмен фудбалер на „Олимпико“ и прикажа одлични партии, па „волчицата“ сака да го откупи неговиот договор.

Рома му предложила на „црвените ѓаволи“ Смолинг да остане уште една година на позајмица со задолжителен откуп следното лето за 15 милиони евра.

За едногодишната позајмица Рома ќе плати 3 милиони евра, што значи дека вкупната понуда за откуп изнесува 18 милиони евра.

Јунајтед сака да се раздели со фудбалерот, но за неговата слобода бара 25 милиони евра, а лошата вест за Рома е што неколку англиски клубови се спремни да ја платат оваа сума.

„Волчицата“ секако има предност во преговорите, но ќе мора да ја подобри понудата до 2-ри август, кога истекува позајмицата на Смолинг.