Дома Фудбал Лига на шампиони Реал со победа против Борусија до 15. титула во ЛШ!
Лига на шампиони Топ вести Фудбал

Реал со победа против Борусија до 15. титула во ЛШ!

Објавено на 23:05, 01 June

Реал Мадрид е новиот европски шампион. „Кралевите“ вечерва ја оправадаа фаворитската улога и славеа победа од 2:0 против Борусија Дортмунд.

Имаше Борусија свои прилики, првата голема ја пропушти Адејеми кога излезе „еден на еден“ со Куртоа, но Белгиецот лошо реагираше и не успеа да ја затресе мрежата.

Пред дербито, падна најважниот потпис во Манчестер Сити! ↓↓↓

Тоа беше и најголемата прилика во првото полувреме во кое не видовме погодоци.

Борусија знаеше да се закани и беше поконкретна, но како што одминуваше времето Реал Мадрид имаше се поголем посед на топката и изгледаше дека ја презема контролата.

Таквата игра се исплатеше во 74. минута кога Тони Крос изведе еден одличен корнер, а Дани Карвахал со глава ја смести топката во мрежата. Точка на финалето беше ставена десетина минути подоцна кога Винисиус Жуниор го матираше Кобел за 2:0.

Фулкруг во продлжение ја погоди мрежата на Куртоа, меѓутоа тој гол беше поништен поради недозволена позиција.

За Реал Мадрид ова беше 15-та титула во најелитното европско натпреварување, додека Борусија Дортмунд го изгуби своето второ во трите финалиња кои ги имаше во својата исотрија. Единственото кое го победија беше против Јувентус.

Коментари
Прочитајте поврзани статии
Load More In Лига на шампиони

Проверете

Барса го „блиндира“ Јамал со клаузула од 1 милијарда

Младата ѕвезда на Барселона Ламин Јамал е блиску до потпишување нов договор со клубот, обј…