ПСЖ ја менува тактиката: Нема повеќе купување ѕвезди!

Францускиот шампион Пари Сен Жермен вложуваше огромни средства, но никогаш не успеа да ја освои Лигата на шампините која беше и се уште е најголема желба на богатите катарски сопственици.

Претседателот, Насер Ал Келаифи во разговор за италијанските медиуми најави дека сега главната цел на клубот нема да биде купување ѕвезди како досега.

„Не сакам да го наречам тоа револуција, повеќе би кажал еволуција. Сакаме да се фокусираме на градење силен и моќен тим кој ќе даде резултати на долги патеки. Нема повеќе да купуваме само познати имиња. На крајот, ние го имаме најдобриот тренинг центар во светот и тоа може да биде наш влог за во иднина“, изјави Ал Келаифи.

Килијан Мбапе се уште се поврзува со заминување во Реал Мадрид, а Келаифи не сакаше многу да зборува за тоа.

„Не се занимавам со други клубови, Мбапе е наш важен играч и веројатно најдобриот во светот, среќни сме што е во нашиот тим“, потенцираше првиот човек на „светците“.