Промена на термините за Ф4 на СЕХА лигата: Вардар нема да игра во ноќниот термин!

Променети се термините за полуфиналните натпревари на фајнл-фор турнирот од СЕХА лигата кој ќе се одигра во Скопје.

Натпреварот меѓу Вардар и Мешков Брест кој првично требаше да се игра во вечерниот термин, ќе почне од 17:45, додека мечот меѓу Целје и Загреб се игра од 20:15.

Фајнл-фор турнирот од СЕХА лигата се игра на 13. и 15. април во салата „Јане Сандански“ во Скопје.

Oд вчера 22 март започна продажбата на блок билети за СЕХА Ф4 турнирот. До 1. април блок билетите за двата натпреварувачки дена ќе се продаваат по цена од 300 денари, а од 2 април започнува продажбата на поединечните влезници за цена од 200 денари за еден натпреварувачки ден.

Вардар е актуелен бранител на тронот во регионалното натпреварување, а и прв фаворит за трофејот сезонава.