Проект планиран во 2014 стартува со реализација: „Бернабеу“ за 400 милиони добива нов грандиозен изглед (Фото+Видео)

Стадионот на Реал Мадрид, „Сантијаго Бернабеу“ во иднина ќе добие нов изглед.

Проектот за реновирање на легендарниот „Бернабеу“ е претставен уште во 2014 година, а ова лето ќе започне со реализација.

„Работата е навистина комплицирана. Добивме работна дозвола и сега имаме проект на работа кој претставува голем предизвик“, изјави претседателот на Реал Мадрид, Флорентино Перез.

Новиот изглед на „Бернабеу“ би требало да го добиеме во 2022 година. Планирана е целосна промена и ќе биде повисок за 12 метри од сегашниот.

Исто така, стадионот ќе поседува луксузен хотел со парк на површина од 12.000 квадратни метри.

Градот Мадрид му даде „зелено светло“, а во целиот проект се очекува да бидат вложени околу 400 милиони евра.

Во продолжение погледнете како изгледа проектот планиран во 2014 година.