Потврдено: Германски фудбалер заразен со коронавирус

Светскиот фудбал е длабоко погоден од епидемијата со коронавирус.

Фудбалските стадиони се затвараат за публиката, некои првенства се прекинати, а денеска од Германија стигна вест дека фудбалерот на Хановер, Тимо Хуберс е заразен со коронавирус.

Оваа вест ја потврди германскиот клуб и тврди дека тој немал контакти со соиграчите.

„Се сомневаме дека Хуберс е заразен на еден настан одржан во сабота. Немал контакти со соиграчите од тој момент, но за секој случај комплетниот тим беше тестиран. Тимо се однесува примерно и не покажува никакви симптоми. Се пријавил сам и заминал во карантин откако слушнал дека со него на настанот била особа која имала коронавирус.“ – соопшти спортскиот директор на клубот.

Оваа сезона Хуберс поради повреда на коленото настапи само на три натпревари, а во петокот постигна погодок во победата над Нирнберг.