Покетино: Нашата цел е јасна – трофеј во Лигата на шампионите!

За Пари Сен Жермен веќе неколку години главна цел е титулата во Лигата на шампионите, па така е и во оваа во која од клупата ги предводи Маурисио Покетино.

Шампионот на Франција во среда игра реванш во осминафиналето против Барселона откако на „Камп Ноу“ убедливо ги победија Каталонците со 1:4.

„Нашата цел е јасна – трофејот во Лигата на шампионите. Нормално нема да биде лесно има неколку тимови кои го сакаат истото. Ние сме свесни за одговорноста и ќе дадеме се од себе, па и повеќе од тоа за да ја оствариме таа цел“, изјави Покетино.

Во минатата сезона ПСЖ со Тухел стигна до финалето, а таму „светците“ беа поразени од Баерн Минхен.