Познато и на колку години ќе го продолжи Мбапе договорот со ПСЖ

Мбапе со месеци се поврзуваше со трансфер во Реал Мадрид и се чинеше дека тоа е веќе готово, но францускиот напаѓач во последен момент се одлучи да остане во Париз.

Медиумите во Франција објавија дека Мбапе ја одбил понудата на Реал Мадрид и веќе го известил Флорентино Перез дека нема да потпише за „кралевите“.

Иако Мбапе одби неколку понуди од ПСЖ за продолжување на договорот, сега се предомисли и јасно е дека ќе стане еден од најплатените играчи во светот.

„L’Equipe“ објави и дека Мбапе веќе им соопштил на челниците на ПСЖ дека ќе го продолжи договорот и дека се е решено. Исто така е објавено дека Мбапе ќе го продолжи договорот на три сезони, но се уште не се знае колку пари од ПСЖ го убедиле да остане.

Се очекува Мбапе да ја соопшти официјалната одлука по вечерашниот меч против Мец, а веќе е подготвена голема забава во Париз по повод останувањето во клубот на еден од најдобрите светски играчи.

Courtisé par le Real Madrid, Kylian Mbappé a accepté l'offre de prolongation du Paris Saint-Germain. Ne manque plus que la signature. https://t.co/lv9GCYxJYQ pic.twitter.com/MmyNuSiljX

— L'ÉQUIPE (@lequipe) May 21, 2022