Пике: Со игра како против Наполи можеме да ја освоиме Лига Европа

Барселона вчера на домашен терен ремизираше против Наполи во 1/16 финалето од Лигата на Европа.

Дефанзивецот на Барселона, Жерар Пике смета дека Барселона може да ја освои Лигата на Европа ако игра како во овој натпревар.

„Со ваква игра како денес против Наполи можеме да го освоиме трофејот во Лига Европа. Наполи можевме да го победиме со 3:1 или 4:1, пропуштивме многу шанси. Чувствувам дека во наредните натпревари ќе се покажеме во вистинско светло“.

Осман Дембеле доби свирежи од трибините, Пике не се согласува со таквиот однос на навивачите.

„Свирежите не беа добри. Ги разбирам фановите дека се нервозни, но можеа да го покажат и на друг начин, а не за време на натпреварот“, изјави Пике.