Палермо без Македонците ништо не прави! (ВИДЕО)

Во рамките од 35-тото коло тимот на Палермо во италијанската Серија Б одигра 2:2 на гости против Ливорно.

Клубот од сицилија до ремито стигна македонски погон. Прво, Илија Несторовски во финишот од првото полувреме донесе предност со која Палермо замина на пауза.

Ливорно во второто полувреме успеа да направи целосен пресврт со головите на Диманти во 74-тата и Раичевиќ во 83-тата. За Палермо да го избегне поразот се погрижи Александар Трајковски кој стрелаше во 90-тата минута од натпреварот.

Со овој бод Палермо е на третата позиција со 58 бодови, два помалку од Лече и пет помалку од лидерот Бреша (првите две екипи одат директно во Серија А).

https://youtu.be/yETlXNFBPGY

https://youtu.be/KeucqBRoIjU