Па ова не е нормално!? – Пеп, неколку моменти по Лапорте си обезбеди уште еден штопер!

Што ли мисли Пеп Гвардиола да прави со централните дефанзивци…

Само неколку моменти откако и официјално „граѓаните“ ја платија откупната клазула од 65 милиони евра за Емерик Лапорте ни стигнува уште една вест за уште еден централен дефанзивец кој пристигнува на „Итихад“.

Холандските медиуми пренесуваат дека Манчестер го договорил трансферот на дефанзивецот Филип Сандлер од Зволе.

Станува збор за 20 годишен фудбалер кој ќе биде платен три милиони евра, но до лето ќе остане во холандската лига на позајмица.

Сандлер наводно веќе отпатувал на лекарски прегледи во Манчестер и ќе потпише договор на четири ипол години.

Секако, за богатите шеици на Сити три милиони евра и не се некоја голема сума, па останува да видиме дали овој талентиран дефанзивец ќе успее да стигне до првиот тим на „граѓаните“ во кој сега има навистина огромна конкуренција во последната линија.