Гвардиола нема дилеми: Ова за него се најдобрите три екипи во светот!

Манчестер Сити го освои Карабао купот по победата над Арсенал со 2:0 во финалето што се одигра на Вембли во неделата. Тимот на Пеп Гвардиола го спречи Арсенал да ја освои првата титула од 2020 година. Сити поведе во 60-та минута кога Нико О’Рајли ја искористи грешката на голманот на Арсенал, Кепа Аризабалага. После само четири минути, англискиот репрезентативец го запечати вториот гол со глава, по центаршутот на Матеус Нунес за конечните 2:0.

“Ниту јас не би ставил ниту фунта на нашата победа денес”, радосно изјави Гвардиола по натпреварот. “Не успеавме да победиме против Нотингем Форест дома или Вест Хем на гостински терен, изгубивме со вкупен резултат од 5:1 против Реал Мадрид. Но, играчите повторно покажаа – и старите и новите – дека сме способни да играме на највисоко ниво кога тоа се бара од нас. Особено ме импресионираше нашата игра во второто полувреме, беше неверојатно добро.”

Во разговорот со новинарите по финалето, Гвардиола ги спомена трите екипи кои, според него, се моментално најдобрите во Европа. Според неговото мислење, тоа се Арсенал, и покрај поразот во финалето, како и неговите поранешни клубови – Баерн Минхен и Барселона.

Интересно е што сите три екипи кои ги истакна Гвардиола успеаја да се пласираат во четвртфиналето на Лигата на шампионите минатата недела. Арсенал со вкупни 3:1 го елиминира Баер Леверкузен, Баерн ја декласира Аталанта со 10:2, додека Барселона беше убедлива против Њукасл Јунајтед со вкупни 8:3.