Официјално: Тихомир Костадинов направи трансфер во Полска

Репрезентативецот на Македонија, Тихомир Костадинов ја продолжува кариерата во Пјас Гливици од Полска, тим со кој потпиша договор до 2025 година.

Костадинов се одлучи да го напушти Ружемборк каде што настапуваше во претходните четири сезони и сега 25-годишниот фудбалер од средниот добива нов предизвик.

„За мене ова беше лесна одлука. Сигурен сум дека правам чекор напред во кариерата. Пјаст е голем клуб и игра во силна лига, мило ми е што добивам ваква прилика. Се надевам ќе помогнам за подобри резултати на тимот“, изјави Костадинов.