Официјално: Рекордерот Крауч верен на Стоук

Високиот центарфор го продолжи договорот со клубот.

Питер Крауч го продолжи договорот со Стоук на уште една година и според истиот би требало да остане во клубот барем до летото 2019 година.

Поранешниот англиски репрезентативец има 36 година, а во Премиер лигата настапува од 2002 година, но очигледно не му е доволно. Во Стоук пристигна во 2011 година од Тотенхем за 12 милиони фунти што во тој момент беше клупски рекорд.

Од тогаш постигна 43 првенствени погодоци, од кои три оваа сезона, а 58 вкупно. Во Премиер лигата го држи рекордот со најмногу постигнати погодоци со глава, но и забележа најмногу настапи како резерва.

„Питер е во Стоук подолго отколку во било кој друг клуб, а тоа доволно зборува што мисли за нас, а и ние за него. Има уште многу што да ни понуди. Навистина има 36 години, но и понатаму има големо влијание на играта, а тоа го покажа и оваа сезона“, изјави Марк Хјуз.

Освен по погодоците Крауч е познат и по шегите на своја сметка кои најчесто поврзани со неговата висина, но и по хуманитарните акции, а од оваа сезона стана и редовен колумнист во „Дејли Мејл“.