Одржан бил и последниот состанок: Икарди и Интер се договориле

Иако Мауро Икарди одбива да го напушти Интер многу тешко ќе успее да остане во овој клуб и наредната сезона.

Антонио Конте беше јасен и има свој став, а тоа е дека за Икарди нема место во неговиот Интер.

Тренерот на Интер пред неколку дена го исфрли Икарди од „Ватс Ап“ групата каде што на играчите им ги соопштува термините на тренинзите и слично.

Во борба за неговиот потпис се вклучи и Валенсија, но Икарди беше јасен дека или ќе премине во Јувентус или ќе остане во Интер.

Џанлука Ди Марцио пренесува информација дека во текот на ноќта имало состанок помеѓу Ванда и претставници на Интер.

Наводно е договорено Икарди да го продолжи договорот со Интер, но да оди на позајмица и тој клуб да има право на негов откуп.

Дали Ди Марцио има точни информации ќе дознаеме во текот на денешниот ден бидејќи денес завршува летниот преоден рок.