Нов случај со наместени натпревари – Уапсени 12 лица!

Нов случај со наместени натпревари денес се појави во фудбалскиот свет.

Како што изјави претседателот на Фудбалскиот сојуз на Тајланд, Сомојт Помпанмуанг, помеѓу 12 уапсени, има пет фудбалери и двајца членови на клубовите.

Истрагата е во тек за наводно, еден наместен натпревар во јули и три во септември оваа години.

Четири играчи на клубот Нејви и еден од Нако Рачис наводно заработиле околу шест илјади евра за наместените натпревари.

Според зборовите на претседателот на сојузот на Тајланд проблемот со наместени натпревари е долгорочен и тој смета дека е време да се искорени тој проблем.

„Време е да го искорениме местењето на тпревари, тоа е наша болест од која мораме да се излечиме“, изјави Помпанмуанг.

Претставникот на локалната полиција наведе дека сите уапсени лица се задржани во притвор до судењето и дека може да се соочат со пет до десет години затворска казна доколку се прогласат за виновни.