Несторовски низ солзи: Жално е да се загуби ваков натпревар!

Илија Несторовски, стрелецот на единствениот гол на Македонија, жали што нашата репрезентација не успеа да избори реми кое дефинитивно го заслуживме.

„Премногу сум разочаран. Немам зборови, да играме толку добар натпревар, да создаваме шанси, но не успеавме да стигнеме ниту до бод. Со играта, дефинитивно, не заслуживме пораз, се надевам дека Господ ќе ни врати веќе в недела на дуелот со Италија“.

„Против себе имаме исклучително силен ривал, но зошто еднаш и ние да не дадеме гол од нашата прва шанса, потоа сигурно многу полесно би го контролирале резултатот и темпото“, изјави Несторовски.