Не можат без Леброн: Лејкерси изгубија од еден од најлошите тимови во лигата (ВИДЕО)

Не може без Леброн – така може да се опише играта на ЛА Лејкерси во последните пет натпревари.

Леброн Џејмс се повреди и донесе проблеми во Лејкерси. Без него Лејкерси на пет натпревари запишаа четири порази. Вчера беа поразени од еден од најлошите тимови оваа сезона во НБА лигата, Њу Јорк Никси.

Најзаслужен за победата на Њу Јорк Никси беше Хардавеј кој уфрли 22 поени, додека во редовите на Лејкерси Брендон Играм постигна 21 поен.

Дербито на вечерта се играше во Портланд.

Оклахома на гостински терен славеше против Портланд со 109:111. Оклахома до победа ја предводеа Пол Џорџ со 37 поени и Вестбрук со 31 поен. Клучната предност Оклахома ја направи во третата четвртина која ја доби со 36:25. Лилард и Нуркиќ со 23, односно со 22 поени беа најефикасни кај Портланд.

https://youtu.be/DI_i6zdQCKc

НБА резултати:

Кливленд – Јута 91:117

Бостон – Далас 114:93

Чикаго – Индијана 116:119

Мемфис – Бруклин 100:109

Мајами – Вашингтон 115:109

Минесота – Орландо 120:103

Милвоки – Атланта 144:112

Феникс – ЛА Клиперси 111:121

ЛА Лејкерси – Њујорк Никси 112:119

Портланд – Оклахома 109:111