Напаѓачот на Милан: Ќе ми биде чудно да играм против Роналдо досега го гледав само на ТВ и плејстејшн

Рафаел Леао, новиот напаѓач на Милан се радува на средбата со Кристиано Роналдо.

20 годишниот напаѓач досега постигна само еден гол во четири настапи во Серија А за Милано, но играчот е преспективен и верува дека може да постигне многу повеќе.

Тој откри дека идоли му се Роналдо и Кака, а посебно го радува тоа што ќе има прилика да игра против Роналдо.

„Мој омилен играч е Кристиано Роналдо. Тој е исто така Португалец и јас сум инспириран од него. Тој напорно работеше да ја оствари целта. Идол е на секој Португалец. Ќе ми биде чудно кога ќе запознаам со него, претходно го гледав само на ТВ и на плејстејшн. Навистина ќе биде тоа посебен момент за мене. Првиот тренер ме спореди со него. Очекуваше многу од мене, сепак премногу е да ме споредуваат со него“, изјави поранешниот играч на Лил.