Напаѓач од Јамајка ја засили Брегалница

Репрезентативецот на Јамајка, Колин Андерсон, е најновото засилување на штипска Брегалница за новата сезона.

Андерсон доаѓа од редовите на Кавалиер од Јамајка, а претходно има настапи и за ФЦ Арнет Гарденс исто така во домашниот шампионат.

Претходно, Брегалница се засили и со дефанзивецот Самал Дикенс од Панама, офанзивецот Фабрицио Венегас од Костарика, голманите Мартин Давков и Кире Новаков, како и десниот бек Ване Јованов, кои се повратници меѓу „сините“.