Муслиу: Имам искуство со У21, но ова Европско е сосема нешто друго

Течат подготовките на македонската фудбалска репрезентација за Европското првенство кое е се поблиску.

Тренинзите продолжуваат, а денес за медиумите зборуваше дефанзивецот Висар Муслиу.

„Имам малку искуство со У21 бидејќи игравме на едно ЕП, но ова е сосема нешто друго. На тренинзите може да се забележи дека сите го чекаме првиот официјален меч. Притисокот е присутен во секој натпревар и кога игравме со Германија и со Лихтенштајн. Имаме план, но мораме да се докажеме на теренот“.

„Ни недостига Барди и се надеваме ќе дојде што е можно побрзо. Нема што да се зборува за атмосферата, резултатите најдобро покажуваат. Ако хемијата не е највисоко ниво нема да имаш и резултати“, изјави Муслиу.