Мората му донесе прва победа на Пирло во ЛШ?

Јувентус рутински со 2:0 славеше на гостувањето кај Динамо Киев. Зенит во последната секунда беше шокиран од Клуб Бриж.

Пирло ја запиша првата победа како тренер на Јувентус во Лигата на шампиони, а херој за „старата дама“ беше Алваро Мората.

Италијанскиот шампион од самиот страт тргна по победата, додека тимот на Луческу беше ориентиран во дефанзива. Јувентус имаше неколку добри шанси преку Киеза и Мората, но не успеа да ја затресе мрежата во првиот дел.

На самиот старт на второто полувреме Киеза имаше одличен продор по левата страна, а во шеснаесетникот најдобро се снајде Мората кој погоди за 1:0. На три минути пред самиот крај Шпанецот ги постави конечните 2:0 после одличниот центаршут на Квадрадо.

Во вториот натпревар кој се играше во овој термин Клуб Бриж забележа голема победа на гости кај Зенит со 1:2.