Македонските ракометари го совладаа Чиле

Македонската ракометна репрезентација со победа ја отвори новата година, откако триумфираше над Чиле во контролен натпревар во Скопје.

Иако подмладена, македонската репрезентација без поголеми проблеми го совлада Чиле (25:21).

После израмнетите први минути Македонија почна да игра подобро и стигна во еден момент до пет гола разлика, а на полувреме заминавме со предност 15:11.

Во второто полувреме Чиле најмногу што направи е доближување на два разлика 18-16, а избраниците на Брестовац рутински стигнаа до победа од 25:21.

Најефикасни во редовите на македонската репрезентација беа Мартин Стефанов и Жарко Пешевски со по пет голови, а капитенот Кирил Лазаров беше на клупата и воопшто не влезе во игра.